ಗೆರೆ ಹಿಂದೆಯೇ ನಿಂತರೇ...

ಪದೋನ್ನತಿಯೇ ಫುಲ್ ಸ್ಟಾಪಿಸಿದರೆ
ನಿಂತ ನೀರೂ ಗಬ್ಬು, ಬರಿಯ ಪಾಚಿ

ಗುಂಟೆ ಉತ್ತವನ ಕನಸು
ಎಕರೆಗಟ್ಟಲೆಯ ಫಸಲು,
ಕನಿಷ್ಠ ಬಿಲ್ಲೆಯ ಬೀಟೂ
ಕನಿಷ್ಟ ನಿರೀಕ್ಷಕನ ಹುದ್ದೆ

ಒಡೆದ ಗೋಲಕದ ಎಣಿಕೆಗೆ
ನಾಳೆ ನೋಟೆಣಿಕೆ ಯಂತ್ರ,
ಕಟ್ಟೇ ಸನ್ಯಾಸಿಯ ಜಪವೂ
ಬೃಹನ್ಮಠದ ರೂಪುರೇಷೆ

ಕುಂಟೆ ಬಿಲ್ಲೆಯ ಪೋರಿಯ
ಸಿದ್ಧಿಗೆ ಒಲಂಪಿಕ್ಕು ಮೆಡಲು,
ಲಂಗೋಟಿ ಬಾವಿ ಧೀರನಿಗೆ
ಸಪ್ತ ಸಾಗರದಾಟೋ ಈಜು

ಅತೀ ಆಸೆಯೂ ತಪ್ಪಲ್ಲ
ಆಗಲೇ ಸಾಧನೆಗೂ ಗುರಿಯು,
ಗೆರೆ ಹಿಂದೆಯೇ ನಿಂತರೇ
ಲಂಘನಗಳಾದರೂ ಭ್ರಮೆಯು

(ಚಿತ್ರ ಕೃಪೆ: ಅಂತರ್ಜಾಲ)